Patay ang isang lalaki nang barilin sa Baclaran, Parañaque City nitong Huwebes na gabi.
 
Sa inisyal na impormasyon mula sa pulisya, kumakain ang lalaki sa bahagi ng E. Rodriguez Street, kanto ng Taft Avenue sa Baclaran nang pagbabarilin ng di pa nakikilalang salarin.
 
Nagtamo ng tama sa ulo ang biktima na agad niyang ikinasawi.
 
Ayon kay Police Col. Reycon Garduque, ang hepe ng Parañaque City Police, kalalaya lang sa kasong droga ng biktima.
 
Patuloy pa ang imbestigasyon sa krimen.