MAYNILA -- Arestado ang isa nagpakilalang army reservist matapos mangikil sa isang Chinese na may kinakaharap na kaso sa Quezon City nitong Martes. 

Kwento ng asawa ng biktima, nagpadala ng mensahe ang lalaki at nagpakilalang driver ng kaibigan ng kanyang mister. 

“May problem kasi kami ng asawa ko. Sabi niya, makakatulong daw siya sa’min pero hihingian daw niya kami ng pera,” sabi ng asawa ng biktima. 

13 Chinese nationals nabbed for illegal mining in Eastern Samar

“Kasi naaawa din daw siya sa’min. Ganun na lang daw, parang mag-exchange kami,” dagdag niya. 

Humingi sa kanila ng inisyal na P8 milyon hanggang P10 milyong piso ang lalaki kapalit ng tulong. 

Pero nagduda na rin sila sa kung papaano nito nalaman ang kanilang problema. 

“Sabi ko sa asawa ko, baka scam ‘yan... Nag-send nga siya na may picture kami ng family, ang inaano ko, bakit niya alam ‘yun,” kwento niya. 

Sa pangamba na baka masundan sila ng lalaki, dumulog sila sa NBI Cybercrime Division para magreklamo. 

SAPUL SA CCTV: Army reservist pinagbabaril sa Antipolo

Agad namang nahuli ang suspek na si alyas “Jerome” na nagpakilalang army reservist. 

“Allegedly naging driver daw siya nitong ating complainant. Ang sinasabi ay dahil member daw siya ng AFP reservist at may name-mention din siya na ibang member ng law enforcement,” sabi ni Atty. Vanessa Asuncion, Executive Officer for Administration ng NBI CCD. 

Pero itinanggi ng biktima na nagtrabaho sa kanila si Jerome. 

Depensa naman niya, nagmalasakit lang siyang tumulong dahil kakilala niya ang driver na nakaalitan ng Chinese. 

Army investigates reservists' alleged involvement with Quiboloy’s ‘Angels of Death’

Inamin rin niya na nanghingi siya ng pera dahil ilang buwan na siyang walang trabaho. 

“Hindi talaga ako nangingikil sa kanila. Sabi ko sa kanila, hingi lang ako ng konti kasi gusto ko ng lumipat ng bahay. Bale, tulungan na lang,” sabi ni Jerome. 

“Hindi po tayo basta basta matutulungan ng kahit sino dahil meron tayong sinusunod na proseso sa korte,” payo ni Asuncion. 

Iniimbestigahan na ng NBI kung modus ng suspek ang panloloko sa mga dayuhan. 

Inaalam na rin nila kung isa talaga siyang army reservist. 

Nahaharap naman ang suspek sa mga reklamong estafa at usurpation of authority.