Kwinento ni Nick Barrion, 28 taong-gulang isang IT employee na nagtratrabaho sa Maynila, ang kanilang patuloy na dinaranas dahil sa pinsalang dala ng Bagyogn Kristine.

Bumalik si Nick sa Barangay Bilibinwang, Agoncillo, Batangas upang tulugan ang kiniyang pamilya na lubhang naapektuhan ng bagyo. Kasalukuyang naninirahan ang buong pamilya nila sa evacuation center sa Subic Ilaya, ngunit nagpapabalik-balik si Nick sa kanilang tirahan upang maglinis at tignan ang kanilang mga alagang hayop.

Para sa kaniya, isang matinding delubyo ang narasan ng pamilya noong kasagsagan ng bagyo. Maraming bahay sa barangay ang natangay dahil sa pagguho ng lupa. Hindi nila inasahang na malaking pinsala ang matatamo ng kanilang lugar dahil hindi naman kalakasan ang ‘storm signal’ sa Batangas ayon sa PAGASA.