Watch more in iWantv or TFC.tv

MAYNILA — Sa huling weekend bago ang bagong taon sa Miyerkoles, nag-inspeksiyon ang pulisya sa mga bentahan ng paputok sa Bocaue, Bulacan.

Ito ay upang matiyak na walang makalulusot na ilegal na paputok na ibebenta.

Narito ang listahan ng mga bawal na paputok:

• Piccolo
• Sawa
• Five Star
• Watusi
• Giant Whistle Bomb
• Giant Bawang
• Large Judas Belt
• Super Lolo
• Lolo Thunder
• Atomic Bomb
• Atomic Bomb Triangulo
• Pillbox
• Boga
• Kwiton
• Goodbye Earth
• Goodbye Bading
• Hello Columbia
• Goodbye Philippines

Hinikayat ni Philippine National Police (PNP) officer in charge Lt. Gen. Francisco Gamboa ang publiko na isumbong sa kanila kung sino man ang makikitang magbebenta at gagamit ng ilegal na paputok.

"We encourage the community to reach out to the PNP especially kung mayroon silang information pertaining dito so that we can take appropriate actions."

Aminado naman ang vendors sa Bulacan na mahina ang bentahan ng paputok ngayon kumpara noong nakaraang taon.

Mahigpit pa ding ipinagbabawal ang paggamit ng paputok sa mga pampublikong lugar, maliban na lamang sa public display areas na itatalaga ng mga lokalidad.

• 'Gusto ko wala nang maputukan': Duterte to let LGUs handle firecracker ban

— Ulat nina Raffy Santos at Henry Atuelan, ABS-CBN News