(UPDATED) Isang mangingisda ang milagrong nakaligtas matapos magpalutang lutang ang bangka nito sa laot ng 3 araw.

Sa dagat nag-pasko ang mangingisda na Jaime Cawaja, na mula sa Brgy. Palactad, Quinapondan, Eastern Samar.

Gutom at walang lakas ang 47-anyos na mangingisda ng ma-rescue ng mga awtoridad sa may Barangay Balagawan, Silago, Southern Leyte, nitong Lunes.

Ayon sa imbestigasyon, hindi gumana ang fishing motor boat dahil nasira ang spark plug nito habang siya ay nasa laot.

Unang iniulat ng Quinapondan Municipal Police na nawawala si Cawaja, kasama ang kapwa manginigsda na si Elmer Cawaja na huling nakitang sakay ng berdeng pumpboat.

Lubos naman ang pasasalamat ni Jaime sa lahat ng tumulong sa kaniya at siya ay nagagalak na makakasama niya ang kaniyang pamilya sa selebrasyon ng bagong taon.

- Sharon Evite