ALAMIN: Presyo ng prutas sa Mega Q Mart ilang araw bago mag-Bagong Taon

ABS-CBN News

Posted at Dec 26 2019 02:38 PM

MAYNILA - Suwerte kung ituring ang paghahain ng mga mabilog na prutas kapag Bagong Taon. 

Dahil dito, paunti-unti nang tumataas ang presyo ng ilan sa ibinebentang prutas sa Mega Q Market ngayong Huwebes, Disyembre 26, 2019. 

Nasa P120 kada kilo ngayon ang mangga, mula sa P100 kada kilo. 

Ang watermelon o pakwan naman ay tumaas ng P70 mula sa dating P50, habang nasa P150 kada kilo mula P120 kada kilo ang malalaking klase ng pakwan. 

P60 kada kilo naman mula P40 ang kada kilo ng maliliit na pinya, habang P130 kada kilo mula P80 kada kilo ang presyo ng malaking pinya. 

Tinatayang nasa P260 hanggang P300 kada kilo naman ang kada kilo ng ubas mula P200. 

Wala pa namang paggalaw sa presyo ng mga sumusunod na prutas: 

  • Kiat kiat→ P50/kilo
  • Fuji apple (malalaki) → P20 hanggang P25/piraso
  • Fuji apple (maliliit)→ P10/piraso
  • Peras → P25/piraso
  • Lemon→ P18/piraso
  • Green apple → P28/piraso
  • Orange → P25/piraso 

Gayunman, inaasahang tataas pa ang presyo ng mga bilihin bukas hanggang Disyembre 31, bisperas ng Bagong Taon. 

-- Ulat ni Lyza Aquino, ABS-CBN News 

Bisitahin ang Patrol.PH para sa iba pang mga balita.