Sunog sa residential area sa Sampaloc, Maynila, itinaas na sa ikatlong alarma. (📷: @firealertmm) pic.twitter.com/qTFGlH44on

— Ron Lopez (@RonLopezPH) December 15, 2017

Nasa 180 pamilya ang apektado matapos masunog ang ilang paupahang bahay sa Sampaloc, Maynila Biyernes ng gabi.

Ayon kay Chief Insp. Crossib Cante, hepe ng Bureau of Fire Protection-Manila for Operation, sumiklab ang sunog pasado alas-7 at naapula pagkatapos ng 3 oras.

Kwento ni Jeffrey Belda, isa sa mga nangungupahan sa lugar, nagsimula ang sunog sa dulong bahagi ng apartment at sa loob lamang ng ilang minuto ay umakyat na ito sa ikatlong alarma.

Mahigit 100 pamilya ang naapektuhan matapos masunog ang mga paupahang bahay sa Sampaloc, Maynila ngayong gabi; sunog, naapula ngayong 10:26 pm pic.twitter.com/2jbOqjgtJo

— Ron Lopez (@RonLopezPH) December 15, 2017

Dahil sa bilis ng pagkalat ng apoy dahil gawa sa kahoy ang lumang gusali ay marami sa mga residente ang nawalan ng mga gamit at damit tulad ng pamilya Belda na tanging paupahang videoke ang naisalba.

Inaalam pa ng BFP kung ano ang pinagmulan ng apoy at kung magkano ang halaga ng pinsala nito bagamat may ilang bahay na bahagya lamang ang pinsala. Wala namang naitalang nasugatan sa sunog. - ulat ni Ron Lopez, ABS-CBN News