PatrolPH

Sunog sumiklab sa residential area sa Maynila

ABS-CBN News

Posted at Dec 07 2021 07:43 PM | Updated as of Dec 07 2021 08:28 PM

Sunog via Heart Response Team
Sunog sa residential area sa San Andres, Maynila noong Disyembre 7, 2021. Retrato mula sa Heart Response Team

MAYNILA (UPDATE) — Sumiklab ngayong Martes ang sunog sa isang residential area sa San Andres, Maynila, ayon sa Bureau of Fire Protection (BFP).

Gawa sa light materials ang mga bahay na nasunog bago mag-alas-5 ng hapon sa may kanto ng Radium at Onyx Street, sabi ng BFP.

Agad itinaas ang ikalawang alarma sa responde. 

Matapos ang mahigit isang oras, dineklara ng BFP na kontrolado na ang sunog bandang alas-6:19 ng gabi.

Tuluyang naapula ang apoy alas-6:42 ng gabi, halos 2 oras mula nang magsimula ang lagablab.

Inaalam pa ang bilang ng mga bahay at pamilyang apektado, pati ang halaga ng pinsala.
 

— Ulat ni Anjo Bagaoisan, ABS-CBN News

FROM THE ARCHIVES

Watch more on iWantTFC
Bisitahin ang Patrol.PH para sa iba pang mga balita.