PatrolPH

Ika-10 anibersaryo ng paghagupit ng Bagyong Pablo ginunita

ABS-CBN News

Posted at Dec 05 2022 01:47 PM | Updated as of Dec 05 2022 05:35 PM

Ginunita noong Disyembre 4, 2020 ang ika-10 anibersaryo ng Bagyong Pablo, isa sa pinakamalakas na bagyong tumama sa Pilipinas. Retrato mula kay Genelyn Yagong
Ginunita noong Disyembre 4, 2020 ang ika-10 anibersaryo ng Bagyong Pablo, isa sa pinakamalakas na bagyong tumama sa Pilipinas. Retrato mula kay Genelyn Yagong

Ginunita nitong Linggo ang ika-10 anibersaryo ng hagupit ng Bagyong Pablo, na isa sa pinakamalakas na bagyong tumama sa Pilipinas.

Sa Davao Oriental, nag-alay ng dasal ang mga residente at lokal na opisyal sa St. James the Apostle Parish sa bayan ng Cateel.

Nagsindi rin ng kandila sa labas ng kanilang mga bahay ang mga biktima ng bagyo at inalala ang mga nasawi.

Ayon sa provincial government ng Davao Oriental, wala nang bakas ng pananalasa ng bagyo sa lugar kasunod ng 10 taon.

Pero hindi anila makakalimutan ng mga residente ang kanilang pinagdaanan para muling makabangon.

Umabot sa higit 1,000 ang namatay sa pagtama ng Bagyong Pablo sa Mindanao noong Disyembre 2012.

-ulat ni Hernel Tocmo

Bisitahin ang Patrol.PH para sa iba pang mga balita.