Canadian timbog sa buy-bust sa Davao

ABS-CBN News

Posted at Dec 01 2020 01:16 AM

Kuha ng Toril Police Station

DAVAO CITY - Isang banyaga ang naaresto matapos siya mahulihan ng libo-libong halaga ng hinihinalang shabu sa Brgy. 76-A, Ecoland sa Davao City nitong Lunes.

Ayon sa Toril Police Station, nahuli ang Canadian na si "Matt", 40, sa buy-bust operation sa Wallnut St., Phase 7 sa naturang barangay matapos siya makuhanan ng hinihinalang shabu na may timbang na 0.90 gramo at tinatayang nagkakahalaga ng P14,000.

Si Matt umano ay nasa intelligence watchlist ng PNP.

Kasalukuyan siyang nakakulong sa Toril Police Station at sasampahan ng kasong paglabag sa Comprehensive Dangerous Drugs Act.

Patuloy ring iniimbestigahan ang pagkakakilanlan ng dayuhan at mga koneksyon nito sa umano'y pagbebenta ng ilegal na droga.--Ulat ni Hernel Tocmo

RELATED VIDEO

Watch more in iWantTFC
Bisitahin ang Patrol.PH para sa iba pang mga balita.