Higit P2 bilyon ng sigarilyo na may pekeng stamp, nasamsam sa Pangasinan

ABS-CBN News

Posted at Nov 29 2018 06:27 AM

Noriel Padiernos, ABS-CBN News

PANGASINAN - Sinalakay ng mga awtoridad nitong Miyerkoles ang isang pabrika ng sigarilyo sa bayan ng Bugallon, Pangasinan.

Narekober sa lugar ang mga makinarya, pekeng tax stamp, at iba pang materyales sa paggawa ng sigarilyo.

Ayon sa Bureau of Internal Revenue (BIR), higit P2 bilyon ang halaga ng operasyon ng pabrika ang dapat sana ay kinikita ng gobyerno.

Napag-alaman na peke ang tax stamp na inilalagay sa mga sigarilyo sa dinalang stamp reader ng BIR.

Nasa 20 katao na mula pa sa Mindanao ang ni-recruit para magtrabaho sa pabrika.

Tumanggi muna ang BIR na pangalanan ang may-ari ng pabrika na posibleng mahaharap sa patong-patong na kaso. - ulat ni Noriel Padiernos, ABS-CBN News

Bisitahin ang Patrol.PH para sa iba pang mga balita.