Kapag nakaririnig na may bigayan ng ayuda, naroon agad ang 64 anyos na si Palmera Calagayan, residente ng Solana, Cagayan.

Kahit hirap na ang katawan, walang ibang opsiyon si Calagayan kundi ang maghanap ng makakain at magtrabaho para sa pamilya, mula nang mabaldado ang asawa.

Mas mahirap umano ngayong hirap ang industriya ng mais, kung saan sila umaasa.

"Ako na lang nagtatrabaho, wala nang iba... mahirap talaga, mahirap," ani Calagayan.

Nakatanggap si Calagayan ng "light tube" o ilaw na gawa sa recycled materials gaya ng tubo at plastik. Kaya umano nitong magpailaw ng 10 oras kada araw sa loob ng 5 taon.

Tinitipid at iniipon naman ni Mirasol Chavez, residente rin ng Solana, ang bawat ayudang natatanggap niya.

Nakasinop ang mga biskuwit, de-lata at kape na natanggap ni Chavez.

Balak daw niyang ipadala ito sa mga kaanak na nasa Catanduanes, na hindi pa naaabutan ng ayuda.

"Gusto ko lang matulungan magulang ko sa Bicol, sa Catanduanes," ani Chavez.

Hindi rin biro ang naranasan ni Chavez sa nagdaang baha, kung saan nalubog ang lahat ng gamit nila.

Sa bubong din namalagi sina Chavez nang manalasa ang bagyong Ulysses.

• 'Worse than we prepared for': Cagayan LGU nabulaga sa malawakang baha

Mula sa bahay ni Chavez, nasa 250 hanggang 300 metro ang layo ng Cagayan River.

Patuloy ang pagdating ng ayuda sa mga barangay nina Chavez at Calagayan.

RELATED STORY:

Watch more in iWantv or TFC.tv

-- Ulat ni Jacque Manabat, ABS-CBN News