MAYNILA- Itinanghal na "Best AM Radio Station" para sa taong 2018 ang DZMM Radyo Patrol 630 sa Mabini Media Awards ng Polytechnic University of the Philippines.

Kinilala din bilang "Best News Commentary Program" ang "Failon Ngayon" habang kinilala naman bilang "Best News Commentary Program Host" si Ted Failon.

DZMM tinanghal bilang Best AM Radio Station of the Year sa PUP 3rd Mabini Media Awards pic.twitter.com/shDrhBj2Eb

— Henry V. Atuelan (@dzmmPatrol44) November 17, 2018

Samantala, itinanghal naman na "Best Radio News Program" ang "Radyo Patrol Balita Alas Siyete." Isinagawa ang pagpaparangal sa PUP Sta. Mesa Campus.

Ang DZMM ay ang opisyal na AM radio station ng ABS-CBN Corporation.

Ngayong nasa ikatlong taon na, ang Mabini Media Awards ay nagbibigay pugay sa mga natatanging personalidad at programa sa industriya ng pamamahayag.

-ulat ni Henry Atuelan, ABS-CBN News.