Patay sa pananaga ang 48 taong gulang na magsasaka na si Christopher Sumaday alyas Ogoy sa Sitio Balangiba, Brgy. Basiawan, bayan ng Sta. Maria, Davao Occidental Martes ng gabi.

Sumuko naman sa pulisya ang suspek na si Lino Sumaday, 26, na umamin sa krimen.

Ayon sa suspek, nakonsensiya siya sa nagawa niya sa kapatid.

Batay sa imbestigasyon ng PNP, nauwi sa alitan ang kanilang inuman noong gabi na 'yon.

Matagal na umanong nagtanim ng sama ng loob si Lino sa kanyang kuya mula noong namatay ang kanilang ama.

Sinampahan na ng kasong murder ang suspek na nasa kustodiya ngayong ng PNP. – Ulat ni Hernel Tocmo