Rumaragasang tubig-baha dulot ni Paeng sa ilang parte ng Noveleta, Cavite

Cielo Gonzales, Bayan Mo Ipatrol Mo

Posted at Oct 30 2022 03:05 AM

Rumaragasang tubig-baha ang nakuhanan ng video ni Bayan Patroller Marcriselvie Torres Timkang kahapon, Oktubre 29 bandang 8:57 ng gabi.

Pinasok na rin ng tubig-baha ang kanilang bahay at kasalukuyan silang namamalagi sa second floor. 

Dagdag pa ni Bayan Patroller Marcriselvie ay wala ng kuryente sa kanilang lugar. 

Watch more News on iWantTFC

Kasama niya ang kanyang asawa, anak at mga pinsan sa kanilang bahay ngayon. 

Pagbabahagi ni Bayan Patroller Marcriselvie hirap na makapasok ang mga rescuer sa kanilang lugar dahil sa lakas ng agos ng baha.

Nananawagan si Bayan Patroller Marcriselvie na sana ay matulungan ang mga kababayan na kinakailangan na agarang ma-rescue.

"Rescue ASAP, sana matulungan na po ang mga taong nangangailangan ng tulong, lalo na po ang mga bata, seniors, PWD, pati na rin po sana ang mga furbabies. 

Sa panahon na ganito po is kailangan po natin magtulungan," pagtatapos ni Bayan Patroller Marcriselvie.