Watch more in iWantv or TFC.tv

MAYNILA- Nanawagan ng dagdag sahod nitong Lunes ang ilang gurong nakasuot pa ng Halloween costume, ilang araw bago ang Undas.

Ilan sa mga costume ng mga miyembro ng Alliance of Concerned Teachers na nagprotesta sa tanggapan ng Department of Budget and Management ay ang White Lady, Kamatayan, Manananggal, at mga skeleton.

Alliance of Concerned Teachers, kinakalampag ang Department of Budget and Management para taasan pa ang sahod ng mga guro @DZMMTeleRadyo pic.twitter.com/CDvHV5zVxH

— Joyce Balancio (@joycebalancio) October 28, 2019

Nanawagan silang itaas ang minimum wage ng mga guro at iba pang kawani sa sektor ng edukasyon sa bansa.

Paliwanag ni ACT national chairperson Joselyn Martinez, tila hinihila na aniya ni Kamatayan ang mga guro dahil sa hirap na nararamdaman dulot ng kakarampot na sahod.

Mayroon din nagsuot ng maskara ng mukha nina Pangulong Rodrigo Duterte, Budget Secretary Wendel Avisado, at Education Secretary Leonor Briones.

Paliwanag ni Martinez, kulang umano ang P31 bilyon na nakalaan para sa taas ng sahod ng mga guro sa loob ng 2020 budget.

Pinuna rin ng grupo na inuna pa ng pamahalaan na taasan ang sahod ng mga pulis at maglaan pa ng mas malaking pondo sa mga proyektong imprastraktura.

-ulat ni Joyce Balancio, ABS-CBN News