PAALALA: Mga bawal dalhin sa bus terminal

Ron Lopez, ABS-CBN News

Posted at Oct 28 2017 09:45 PM

Nasa 20 pasahero ang nahulihan ng matatalim na bagay sa Araneta Center bus terminal ngayong Sabado.

Nakumpiska mula sa mga pasahero ang matatalim na bagay tulad ng kutsilyo, itak, bolo at lagari.

Nagpaalala ang mga awtoridad sa mga uuwi ng probinsiya na huwag magdala ng mga ipinagbabawal na bagay. Bukod sa mga patalim, ipinagbabawal din ang pagdadala ng wire, flammable materials at alak.

Pinapagayang bumiyahe ang mga pasaherong nahulihan ngunit iiwan nila ang mga nakumpiskang gamit na makukuha nila sa kanilang pagbabalik.

Sa ngayon, nananatiling maluwag at manageable ang sitwasyon sa terminal.

Bagamat mas marami kumpara sa normal na araw ang dating ng mga pasahero, hindi pa nagkakaubusan ng mga ordinary bus.

Nahihirapan lamang ang mga pasahero sa pagbili ng ticket sa mga airconditioned bus dahil fully booked na umano ang ilan dito para sa mga petsang Oktubre 30 at Oktubre 31.

Nanatiling mahigpit ang seguridad at naka-deploy ang ilang pulisya, K-9 units at security personnel ng terminal.

Bisitahin ang Patrol.PH para sa iba pang mga balita.