PANGASINAN – Iba't-ibang high powered firearms at ilegal na droga ang nakumpiska sa bahay ng isang pulis at ama nito sa Asingan.

Sa bisa ng isang search warrant, narekober ang matataas na kalibre ng baril, mga bala, granada at droga sa bahay ni Police Office 2 Verson Mamerto at ama nitong si Virgilio sa Barangay Carosucan Sur.

Itinuturing ng Pangasinan Provincial Police Office na high-value target ang pulis dahil sa pagkakasangkot umano niya sa transaksyon ng ilegal na droga at gun-for-hire.

Isasailalim naman sa ballistic examination ang mga nakumpiskang baril para sa cross matching.

Isinasangkot din si PO2 Mamerto sa Mamerto gun-for-hire group sa Eastern Pangasinan.

Iniimbestigahan ngayon ng pulisya kung may kinalaman ang mag-ama sa mga insidente ng pamamaril sa probinsya.