Bata, iniwan sa gilid ng tindahan sa Tondo

Jervis Manahan, ABS-CBN News

Posted at Oct 23 2018 04:39 AM | Updated as of Sep 16 2019 01:08 PM

Watch more in iWantTFC

MAYNILA - Isang batang lalaki ang iniwan sa gilid ng tindahan sa Tondo, Maynila.

Mga kagawad ng Barangay 212 sa Tondo na muna ang nangangalaga sa bata.

Natagpuan ng mga naglalarong kabataan ang bata na umiiyak at walang kasama.

Ayon sa ilang nakakita, iniwan ng isang babae ang bata nitong Linggo ng gabi. Agad dinala sa barangay ang bata na tinatayang nasa 2 anyos.

"Ipinagtanong-tanong na namin sa mga kalapit na barangay, walang may kakilala," ani Evelyn Guadamor, kagawad ng Barangay 212.

May galos sa pisngi ang bata at tila nanghihina pa. Napag-alaman na may sakit ito sa baga matapos ipakonsulta sa doktor.

"Kapag nauubo siya, parang nagsusuka, halatang malnourished," dagdag ni Guadamor.

Ipinost na rin ang larawan ng bata sa social media. Nakatakdang i-turn over sa Department of Social Welfare and Development (DSWD) ang bata. ​

Bisitahin ang Patrol.PH para sa iba pang mga balita.