Klase sa Quezon City Science High School, pansamantalang itinigil dahil sa bomb threat | ulat ni @RayaCapulong pic.twitter.com/0t8bgtxQvn

— DZMM TeleRadyo (@DZMMTeleRadyo) October 19, 2018

MAYNILA - Mahigit na isang oras na naantala ang klase sa Quezon City Science High School, Biyernes ng umaga dahil sa isang bomb threat.

Ayon kay Edna Bañaga, principal ng paaralan, dakong alas-7 ng umaga nang makita ng isang estudyante ang isang liham na nakapaskil sa comfort room ng mga babae. Nakasulat sa liham na may bombang sasabog sa lugar.

Agad na ini-report ito ng estudyante sa kaniya kaya nagpatawag siya ng pulis at bomb squad.

Kalmadong pinalabas sa mga classroom ang mga estudyante.

Sa pagresponde ng Quezon City Police District bomb squad, nag-ikot ang mga ito sa paaralan pero negatibo o walang nakitang pampasabog sa lugar.

Pasado alas-8 nang pabalikin na rin sa kanilang classroom ang mga estudyante at balik na ulit sa normal ang klase.