Ginang naputulan ng kamay, 4 iba pa sugatan sa pagsalpok ng jeep sa puno

ABS-CBN News

Posted at Oct 11 2019 05:30 PM | Updated as of Oct 11 2019 06:51 PM

Sa sobrang tindi ng aksidente, naputol ang kamay ng isang ginang na nakasakay sa loob ng jeep. Cherry Palma, ABS-CBN News

Editor's Note: Unang nabanggit sa istorya na aabot sa 40 ang nasugatan sa aksidente. Kami ay humihingi ng paumanhin sa pagkakamali. 

Sugatan ang 4 katao matapos bumangga sa puno ang isang jeep sa Lambunao, Iloilo. 

Karamihan sa mga nakasakay ay mga cub scout na papunta sana sa District Boy Scout Rally sa Calinog, Iloilo. Lulan ng jeep ang aabot sa 40 tao. 

Sa tindi ng aksidente, naputulan ng kamay ang isang nanay na nakasakay sa jeep. 

Ayon sa driver ng jeep, nawalan umano ng preno ang sasakyan kaya para mapatigil, agad niyang iniliko sa puno.

Isinailalim na sa stress debriefing ang mga cub scouts na nakasakay sa jeep. 

Nakakulong ang driver ng jeep at posibleng maharap sa kasong reckless imprudence resulting to physical injuries and damage to property.

-- Ulat ni Cherry Palma, ABS-CBN News 

Bisitahin ang Patrol.PH para sa iba pang mga balita.