Watch more in iWantv or TFC.tv

Matapos aminin ni Pangulong Rodrigo Duterte na mayroon siyang neuromuscular disease, tiniyak ng tagapagsalita ng Palasyo na hindi ito seryoso at walang dapat ipag-alala ang publiko.

Sa panayam ng DZMM, sinabi ni Presidential spokesperson Salvador Panelo na transparent ang pangulo kaya ito na mismo ang nagbunyag ng sakit.

"Ang alam ko kay presidente, kapag kulang ang tulog doon siya matamlay," ani Panelo.

"Kaya sa tingin ko hindi naman seryoso ang sakit," dagdag niya.

Pero malakas, ani Panelo, ang pangulo at malaking patunay rito ang biyahe niya sa Russia kamakailan.

Watch more in iWantv or TFC.tv

Sa talumpati sa Russia noong Sabado, sinabi ni Duterte na namana niya sa kaniyang lolo ang sakit na myasthenia gravis.

• Duterte says he has chronic neuromuscular disease

Isa itong uri ng chronic autoimmune neuromuscular disease na nagdudulot ng paghina ng mga muscle para sa galaw ng mata, facial expression, pagnguya, pagsalita at paglunok.