PatrolPH

Bangkay ng hinihinalang biktima sa Tinubdan Falls, natagpuan

ABS-CBN News

Posted at Sep 28 2021 08:09 AM

Watch more on iWantTFC

MAYNILA—Natagpuan ang bangkay ng isang babaeng hinihinalang isa sa mga biktima ng trahedya sa Tinubdan Falls sa bayan ng Catmon, Cebu, ayon sa isang opisyal nitong Martes.

Isang mangingisda sa katabing bayan ng Carmen ang umano'y nakakita sa bangkay at iniulat sa lokal na pulisya bandang alas-3:57 ng umaga, ayon kay Senior Master Sergeant Ben Navales, chief investigator ng Catmon Municipal Police.

"Posibleng ito ang mismong missing na ina . . . For confirmation pa," ani Navales sa ABS-CBN Teleradyo.

Una nang naiulat na 2 menor de edad na magpinsan ang namatay sa trahedya.

Hindi umano umuulan nang naliligo sa falls ang mga biktima ngunit malakas ang buhos sa barangay kung saan nagmula ang rumaragasang tubig, dagdag ni Navales.

"Five kilometers lang siguro 'yung kasunod na barangay, 'yung pinanggalingan ng malakas na ulan," aniya.

Bisitahin ang Patrol.PH para sa iba pang mga balita.