MAYNILA - Hinuli ng mga tauhan ng Inter-Agency Council for Traffic (IACT) ang mga colorum na bus at van na lumalabag sa traffic protocols sa Roxas Boulevard sa Parañaque.

Bukod sa tamang distansiya sa mga sakay ng mga bus, nais tiyakin ng IACT na walang bumibiyaheng colorum na sasakyan.

Hinuli rin ang iba pang sasakyan na may paglabag gaya ng kulang na ilaw, sobra-sobrang sakay, at iba pa.

May mga pinarang van na may tarpaulin ng government agency pero napatunayan namang service vehicle ito na inupahan ng gobyerno.

Isang bus at apat na van ang in-impound ng IACT sa operasyon, habang 12 ang natiketan sa iba’t ibang paglabag.