Nadaanan ng tatlong pulis na nagpapatrolya ang isang babaeng manganganak sa gilid ng kalsada sa bayan ng Payao, Zamboanga Sibugay noong Biyernes ng umaga.

Huminto ang mga pulis at hindi nag-atubiling tumulong sa ginang na hindi na umabot sa ospital para manganak.

Matapos ang matagumpay na pagpaanak ng sanggol na babae, agad na inihatid ng mga pulis sa municipal health office ang ginang para sa mailabas ang placenta at para sa post-natal care.

• Lolo na kapos sa pamasahe, tinulungan ng mga pulis sa Bohol airport

Nagpasalamat naman ang ina ng ginang sa tulong ng mga pulis dahil wala ang mister nito na tiyempong naghahanapbuhay bilang mangingisda.—Ulat ni Hernel Tocmo