PRETORIA - Natikman muli ng mga Pilipino sa South Africa ang mga pagkaing Pilipino na bihira na nilang makain.

Itinampok kasi ng Philippine Embassy sa Pretoria ang Filipino dishes tulad ng chicken adobo at mga paboritong meryendang ensaymada, pancit, polvoron, at adobo peanuts sa International Food Fiesta na ginanap sa St. Pius X Catholic Church noong August 21, 2022.

Ang Pilipinas lang ang nag-iisang bansa sa Asya na kasali sa event. Nagkaroon din ng pagkakataong maimbitahan ng embassy ang South Africans na bisitahin ang magagandang tourism spots ng Pilipinas sa Tourism promotional videos na ipinalabas sa event.

Namigay naman ng brochures at locally manufactured Oishi Oozies ang Filipino company na Liwayway Food South Africa (Pty) Ltd. sa mga bisita.

Para sa mga nagbabagang mga balita tungkol sa ating mga kababayan sa South Africa, tumutok sa TFC News sa TV Patrol.

Source: PE Pretoria FB page