LOOK: A 28 y/o jobless man is arrested after allegedly shoplifting frozen raw & marinated meats from a mini-mart in Ligid-Tipas, Taguig.

Southern Police District reported the suspect was chased by the store crew after he left with the items unpaid.

(📸: SPD) pic.twitter.com/TYJfaka9e7

— Anjo Bagaoisan (ᜀᜈ᜔ᜇᜒᜌᜓ ᜊᜄᜏᜒᜐᜈ᜔) (@anjo_bagaoisan) August 30, 2020

Inaresto ang isang 28-anyos na lalaki matapos mahuli umanong magnakaw ng karne sa isang mini-mart sa Bgy. Ligid-Tipas, Taguig noong Sabado.

Sa ulat ng Southern Police District, pumasok sa tindahan ang lalaki bandang alas-7 ng gabi at nagpuslit palabas ng 2 pakete ng plastic na may lamang frozen na karneng baboy--isang kasim cut at isang marinated na barbecue.

Nagkakahalaga ng P270 ang dalawang tig-kalahating kilong pakete ng karne.

Sa ulat, hinabol pa ang suspek ng lalaking staff ng tindahan matapos makita sa security camera ang paglabas niya nang hindi nagbabayad.

Nahuli siya ng 2 bantay-bayan ng barangay na tumulong sa paghahabol.

Ayon sa pulisya, walang trabaho ang suspek at taga-ibang barangay.

Dinala siya sa Substation 5 sa Tipas bago inilipat ng kulungan sa headquarters ng Taguig City Police.