Sanggol namatay dahil sa COVID sa Mati; higit 300 menor de edad nagka-coronavirus sa lungsod

321 menor de edad nagka-COVID mula 2020

(UPDATE) Dumarami ang bilang ng mga menor de edad na nahahawa ng COVID-19 sa Mati, Davao Oriental, ayon sa pamahalaang panlungsod.

Sa tala ng city health office, umabot na sa 321 na menor de edad ang nagka-COVID-19 mula nang magsimula ang pandemya.

Noong 2020, nasa 27 lamang na menor de edad ang nagka-COVID-19 at lahat sila ay gumaling.

Pero ngayong 2021, umabot sa 294 na kabataan ang nahawa sa Mati, kung saan pumanaw ang isang 3 anyos at 1-buwang gulang na sanggol.

• St. Luke's says hospitals at full capacity, asks COVID-19 patients to seek care elsewhere

Pinakamaraming menor de edad na nagka-COVID ang naitala ngayong buwan na aabot sa 112

• PH records 13,573 new COVID-19 cases, 228 more deaths

Sa pahayag ng pamahalaan ng Mati noong Miyerkoles, pumanaw ang 1-buwang sanggol na lalaki noong Agosto 12.

Dalawang Delta variant cases rin ang naitala sa lungsod.

Sa pinakahuling tala ng LGU nitong Miyerkoles, mayroon nang 2,056 na kaso ng COVID-19 sa kanila, 410 dito ang aktibong kaso at 45 ang namatay.—Ulat ni Hernel Tocmo

KAUGNAY NA VIDEO