Watch more News on iWantTFC

Video ni lylan Bantug, Imageline

Halos 40 barangay sa ilang bayan sa Pampanga ang nalubog sa baha dahil sa patuloy na pag-ulan na dala ng Bagyong Florita nitong Martes.

Nagdeklara si Pampanga Gov. Dennis Pineda ng class suspension sa lahat ng antas sa public at private schools para sa Miyerkoles, Agosto 23, dahil sa bagyo.

Ayon sa mga awtoridad, ang pinakamataas na lebel ng baha sa lalawigan ay nasa 3.5 feet sa Brgy. San Esteban at Tacasan, sa bayan ng Macabebe.

Sa tala ng PDRRMO, nasa 39 na mga barangay ang naapektohan ng pagbaha sa Pampanga.—Ulat ni Gracie Rutao