Isang bangkay ng lalaki ang natangpuan sa ilog sa Benguet nitong Sabado.

Matapos ang tatlong araw na search and retrieval operation, nakuha na ang bangkay ni Mateo Dal-it, 46 anyos, sa Bakun River sa Poblacion, Bakun.

Bandang alas-9 ng umaga nuong August 17 nang malunod ito sa ilog.

Base sa imbestigasyon ng PNP, sinusubukang itawid ni Dal-it sa ilog ang dalawang baka nang tangayin siya ng malakas na agos ng tubig.

Bandang alas-11 ng umaga Sabado nakita ang kanyang bangkay 150 metro mula sa lugar kung saan siya tinangay ng agos ng tubig. - Mae Cornes