MAYNILA - Arestado ang tatlong suspek sa isang entrapment operation sa Fairview, Quezon City nitong Lunes dahil sa pagbebenta umano ng mga pekeng luxury bag.

Isinumbong ng biktimang si "Cecille", ang mga suspek na nagbebenta umano ng pekeng bag sa Facebook Marketplace.

Kwento ng biktima, "100 percent original" ang sinabi ng seller sa bag na binili niya sa halagang P30,000.

LOOK: Three suspects were arrested in an entrapment operation in Fairview, Quezon City for selling fake luxury bags online. @ABSCBNNews pic.twitter.com/d85rUC37Dj

— Jervis Manahan (@JervisManahan) August 17, 2020

Napansin si Cecille na peke ang bag dahil sa mga tahi nito, kaya nagsumbong siya sa pulisya na agad nagsagawa ng entrapment operation.

Nakatakdang kasuhan ng estafa ang mga nahuli, na nakakulong na sa Fairview Police Station.

Ayon sa isang suspek, alam naman ng mga binebentahan na peke ang bag dahil galing itong Divisoria.

Itinanggi ito ng biktima dahil kinumbinsi umano siyang authentic ang bag.