PatrolPH

Lalaki arestado sa umano'y pagpapanggap bilang NBI agent, pangingikil

ABS-CBN News

Posted at Aug 11 2021 02:29 PM

Arestado ang isang lalaking nagpanggap na agent ng National Bureau of Investigation (NBI) para makapangikil, sabi ngayong Miyerkoles ng mga awtoridad.

Nagkasa ng entrapment operation sa Quezon City ang NBI Special Action Unit laban sa suspek na si Charleston Cañales matapos itong ireklamo ng biktimang si alyas "Jericho."

Nabiktima ng scam si "Jericho" kaya gusto niyang magreklamo sa NBI at nakilala si Cañales, na nagkunwaring isang NBI agent.

Matapos umanong marinig ang reklamo ni "Jericho," humingi ang suspek ng P200,000 bilang "mobilization fee" para maimbestigahan at i-entrap ang nanloko sa biktima.

Nabuking ang modus ni Cañales matapos dumeretso sa tanggapan ng NBI si "Jericho."

Kinulong si Cañales sa kasong usurpation of authority, robbery extortion, at violation ng Anti-Red Tape Law.

— Ulat ni Niko Baua, ABS-CBN News

RELATED VIDEO

Watch more on iWantTFC
Bisitahin ang Patrol.PH para sa iba pang mga balita.