Watch more in iWantv or TFC.tv

Matapos ang matinding pagbuhos ng ulan ay bumaha na sa ilang lugar sa Marikina City.

May iilan ding bahay na lubog na sa baha.

Na-alarma ang mga residente sa mabilisang pagtaas ng tubig sa Marikina River, na nagdulot ng matinding baha sa lungsod ngayong araw.

Samantalaang binaha na rin ang paligid ng Bulelak Court, na nagsilbing evacuation center sa Marikina.

Paligid ng Bulelak Court sa Marikina City na nagsisilbing evacuation center, baha na rin | ulat ni @jeffreyhernaez pic.twitter.com/iRAXRLQG6y

— DZMM TeleRadyo (@DZMMTeleRadyo) August 11, 2018

Nabalitaan rin na may iilan pang residenteng stranded sa kanilang mga bubong.

Kaya naman may mga evacuee na lumusong sa baha para mai-rescue ang kanilang mga kamag-anak na stranded at naiwan sa mga bahang lugar.

Modular tents, gamit ng mga evacuees sa Marikina City. pic.twitter.com/vXEETSRJXI

— jeff hernaez (@jeffreyhernaez) August 11, 2018

Sumilong naman ang mga evacuees sa modular tents na pinapagamit ng gobyerno.

Libre rin ang pagkain at gamot nila.

Bagamat third alarm pa rin ay umabot na sa 20.2 metro ang water level ng Marikina River.

Inaasahang madadagdagan pa ang mga bilang ng mga evacuee Sabado ng gabi dahil sa tuluy-tuloy na mga rescue operation.

Para sa mga sakuna tulad ng baha, maaaring tumawag sa mga hotline ng susunod na mga ahensya:

Mga Kapamilya, narito listahan ng emergency numbers na maaaring hingan ng tulong ngayong panahon ng sakuna. pic.twitter.com/kcgXTH0uJI

— DZMM TeleRadyo (@DZMMTeleRadyo) August 11, 2018

-- Ulat ni Jeffrey Hernaez, ABS-CBN News