PatrolPH

Ilang bahay at stalls sa Bukidnon, sinira ng malakas na hangin

ABS-CBN News

Posted at Aug 10 2022 01:22 PM

 Nasira ang bahay na ito sa bayan ng Dangcagan, Bukidnon matapos mabagsakan ng punong tinumba ng malakas na hangin noong Agosto 6, 2022. Courtesy: April Hibalay
Nasira ang bahay na ito sa bayan ng Dangcagan, Bukidnon matapos mabagsakan ng punong tinumba ng malakas na hangin noong Agosto 6, 2022. Courtesy: April Hibalay

MANILA — Nasira ang ilang mga bahay at mga stall sa Barangay Poblacion sa bayan ng Dangcagan, Bukidnon dahil sa malakas na hangin at ulan nitong Sabado ng hapon.

Sa mga larawang ibinahagi ni April Hibalay, kita ang mga sira-sirang paninda ng mga vendor sa plaza. Sinira rin ng hangin ang tent ng mga stall.

Kuwento ni Hibalay, biglang nakaranas ng malakas na ulan at hangin sa lugar na naging sanhi ng pagkasira ng mga istruktura. Hinala nila, maaaring buhawi ang tumama sa kanilang lugar.

"Mga vendors po ay apektado. Wala namang naiulat na nasugatan," sabi ni Hibalay sa ABS-CBN News.

Natumba rin ang ilang punong kahoy sa Barangay Poblacion, kung saan may ilang bahay ang tinamaan nito.

—Ulat ni Hernel Tocmo

BALIKAN: 

Watch more News on iWantTFC
Bisitahin ang Patrol.PH para sa iba pang mga balita.