COVID-19 cases sa Pilipinas nasa 129,913 na

ABS-CBN News

Posted at Aug 09 2020 06:14 PM | Updated as of Aug 09 2020 06:48 PM

Watch more in iWant or TFC.tv

MAYNILA — Aabot na sa halos 130,000 ang kabuuang bilang ng kumpirmadong kaso ng coronavirus disease sa Pilipinas.

Ito'y matapos makapagtala ang Department of Health ng 3,109 bagong kumpirmadong kaso ngayong Linggo, dahilan para umakyat ang nationwide total sa 129,913.

Sa kabuuan, 59,970 ang active cases o iyong hindi pa gumagaling sa sakit.

Umakyat naman sa 67,673 ang kabuuang bilang ng mga recovery matapos gumaling sa sakit ang 654 pasyente.

May 61 naman bagong naitalang pagkamatay ang DOH kaya umabot sa 2,270 ang death toll.

Nangunguna pa rin ang Pilipinas sa mga bansang may pinakamaraming kaso at active cases ng COVID-19 sa Southeast Asia.

Nauna nang magbabala ang mga researcher mula University of the Philippines na posibleng umabot sa 150,000 ang COVID-19 cases sa bansa sa katapusan ng Agosto.

Bisitahin ang Patrol.PH para sa iba pang mga balita.