Barangay Hall sa Tondo, Maynila, ginigiba dahil okupado nito ang isang lane ng Villaruel St. pic.twitter.com/PZtYVNPPSj

— Jekki Pascual (@jekkipascual) August 8, 2018

MAYNILA – Isang barangay hall na sumakop sa kalsada ang binaklas sa clearing operations ng Metropolitan Manila Development Authority (MMDA) at Manila Traffic and Parking Bureau sa Tondo, Miyerkoles ng umaga.

Giniba ng mga tauhan ng MMDA at MTPB ang isang palapag at sementadong barangay hall ng Barangay 235, Zone 22 na matatagpuan sa Abad Santos sa kanto ng Villaruel Street.

Watch more in iWantv or TFC.tv

Isa-isang inilalabas ang mga kagamitan sa barangay hall tulad ng mga lamesa, flat screen TV, air conditioner at iba pa habang nagbabaklas ang mga operatiba.

Ang nasabing gusali ay sumasakop sa isang lane ng Villaruel Street kaya’t giniba ng awtoridad.