ALAMIN: Kaisa-isang probinsya sa Pinas na walang kaso ng COVID-19 | ABS-CBN

ADVERTISEMENT

dpo-dps-seal
Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!

ALAMIN: Kaisa-isang probinsya sa Pinas na walang kaso ng COVID-19

ALAMIN: Kaisa-isang probinsya sa Pinas na walang kaso ng COVID-19

ABS-CBN News

 | 

Updated Aug 05, 2020 08:45 PM PHT

Clipboard

Watch more in iWantv or TFC.tv

MAYNILA — Isang probinsiya na lang sa Pilipinas ang nananatiling COVID-19-free.

Sa datos ng Department of Health (DOH) na pinroseso ng ABS-CBN Investigative and Research Group, lumalabas na sa buong bansa ay tanging ang probinsiya ng Batanes na lang ang nananatiling walang kaso ng COVID-19.

Sa mga probinsiyang dati'y walang naitatalang coronavirus, Masbate ang may pinakamaraming aktibong kaso ngayon na sinundan ng Sarangani.

Labing tatlong probinsiya din ang tila mas dumami ang bilang ng active cases sa loob lang nang dalawang linggo.

ADVERTISEMENT

Sa Luzon, ito ay ang Abra, Benguet kung saan karamihan ay mula Baguio City, Kalinga, Ifugao, Ilocos Norte, Ilocos Sur, La Union at Quezon province.

Sa Visayas ito ay ang Samar at Leyte. At sa Mindanao, Sarangani at South Cotabato.

Sa huling ulat ng DOH nitong Miyerkoles, pumalo na sa 115,980 ang COVID-19 cases sa bansa matapos magpositibo ang 3,462 pasyente.

Nadagdagan naman ng 222 ang mga nakarekober kaya 66,270 ang mga gumaling sa sakit.

Umabot naman sa 2,123 ang mga nasawi sa sakit matapos mamatay ang 9 pasyente. —Ulat ni Raphael Bosano, ABS-CBN News

ADVERTISEMENT

ADVERTISEMENT

It looks like you’re using an ad blocker

Our website is made possible by displaying online advertisements to our visitors. Please consider supporting us by disabling your ad blocker on our website.

Our website is made possible by displaying online advertisements to our visitors. Please consider supporting us by disabling your ad blocker on our website.