DAVAO CITY—Halos walang naisalbang gamit ang 32 pamilyang nasunugan sa Purok 9B, Lower Madapo, Barangay 8-A sa siyudad na ito Sabado ng hapon.

Aabot sa 29 na mga bahay ang nasunog.

Base sa initial investigation ng Bangoy Fire Station nagsimula ang apoy sa bahay ng kinilalang si Ricky Limbadan. Posibleng sa nag-overheat na appliance ang pinagmulan ng apoy.

Tinatayang aabot sa P3 milyon ang pinsala ng sunog.

Sa gym muna ng barangay pansamantalang namamalagi ang mga apektadong pamilya.

Nanawagan sila ngayon na mabigyan ng agarang tulong lalo na ang mga estyudyante na walang maisuot na uniform sa eskwelahan.