MAYNILA - Pitong bahay ang tinangay ng alon sa Isla Puting Bato sa Barangay 20 sa Tondo sa kasagsagan ng malakas na pag-ulan, Sabado ng hapon.

Ayon sa Manila Public Information Office, tinatayang nasa 22 pamilya ang naapektuhan, batay sa impormasyon mula sa Manila Disaster Risk Reduction and Management Office.

Inililikas na sila sa Delpan Evacuation Center.

Magpapamahagi na rin ng relief goods ang pamahalaang lokal sa mga apektadong pamilya.

Tuloy-tuloy ang pag-ulan sa Metro Manila nitong Sabado bunsod ng habagat. Nagdulot ito ng pagbaha sa ilang lugar.

• Habagat muling nagdulot ng pagbaha sa ilang parte ng Metro Manila, Bacoor