BAGUIO — Patay ang isang 16-anyos na lalaki sa matapos matabunan ng landslide sa lungsod na ito, kasabay ng mga pag-ulan na dala ng bagyong Egay, Miyerkoles.

Na-trap ng landslide sa kaniyang kuwarto ang binatilyo bandang alas-10:30 ng umaga at idineklarang dead on arrival sa ospital, ayon sa Baguio City Public Information Office.

Nasagip naman ng mga awtoridad ang kaniyang mga magulang, edad 59 at 48, na dinala rin sa ospital.

Dalawa ang nasugatan sa landslide sa Baguio. Mga larawan mula sa Baguio police, kay Migz On-Onod, at Baguio Public Information Office

Dalawa ang nasugatan sa landslide sa Baguio. Mga larawan mula sa Baguio police, kay Migz On-Onod, at Baguio Public Information Office

Dalawa ang nasugatan sa landslide sa Baguio. Mga larawan mula sa Baguio police, kay Migz On-Onod, at Baguio Public Information Office

Dalawa ang nasugatan sa landslide sa Baguio. Mga larawan mula sa Baguio police, kay Migz On-Onod, at Baguio Public Information Office

Dalawa ang nasugatan sa landslide sa Baguio. Mga larawan mula sa Baguio police, kay Migz On-Onod, at Baguio Public Information Office

Dalawa ang nasugatan sa landslide sa Baguio. Mga larawan mula sa Baguio police, kay Migz On-Onod, at Baguio Public Information Office

Samantala, dalawa ang sugatan sa hiwalay na landslide sa BGH Compound, Baguio.

Ayon sa pulisya, narescue sa landslide ang isang 44 anyos na lalaki at isang trabahador sa car wash. Agad silang dinala sa ospital.

Nagkaroon din ng landslide malapit sa palengke ng Baguio kung saan natabunan ang ilang sasakyang nakaparada.

Bukod sa mga nabanggit na lugar, nakapagtala rin ng landslide at pagtumba ng puno sa iba-ibang bahagi ng lungsod.

Sa dash cam ng isang residente, nakuhanan ang muntik ng pagtumba ng puno sa kanyang sasakyan.

Sasakyan muntik nang bagsakan ng puno sa kasagsagan ng ulan sa Baguio

Sinuspinde na ni Mayor Benjamin Magalong ang klase at pasok sa trabaho sa lungsod.

— Ulat ni Mae Cornes