Welcome, Kapamilya! We use cookies to improve your browsing experience. Continuing to use this site means you agree to our use of cookies. Tell me more!
Masayang nagpalitrato sa isang guwardya ang may-ari ng naiwang bag na isinauli niya. Larawan mula kay Aprilyn Poquez, ABS-CBN News
PUERTO PRINCESA, Palawan - Ibinalik ng isang guwardya sa turista ang bag na may lamang P100,000 na naiwan nito sa isang simbahan sa lungsod na ito, Miyerkoles.
Sa kuha ng CCTV, makikita ang turista na inilapag ang kaniyang bag sa upuan sa Immaculate Conception Cathedral nang magpa-picture siya at ang mga kasamahan. Umalis ang turista nang hindi namamalayang naiwan ang kaniyang gamit.
Makalipas ang 20 minuto, napansin ng guwardiyang si Joseph Carungit ang bag.
Nang buksan ito, tumambad sa kaniya ang P100,000 na cash, ilang ATM cards at passport. Nangibabaw kay Carungit ang pagiging tapat kaya itinabi niya ang bag upang mabalikan ng may-ari.
ADVERTISEMENT
"Binilinan ko po yung mga naglilinis dito, kung may naghanap sa akin, may naghanap ng bag, nandito lang sa akin," kuwento niya.
"Kasama po sa trabaho namin 'yun, serbisyo po talaga po 'yun. Natural lang po na ibabalik talaga," dagdag ng guwardya.
Bumalik kinalaunan ang may-ari na nagbigay ng kaunting pabuya sa guwardya.
ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.
Our website is made possible by displaying online
advertisements to our visitors. Please consider supporting
us by disabling your ad blocker on our website.
Our website is made possible by displaying online
advertisements to our visitors. Please consider supporting
us by disabling your ad blocker on our website.
