ILOILO--Nahukay ng mga trabahador ng isang itinatayong fast-food chain sa Barangay Rizal, La Paz, Iloilo ang iba't-ibang parte ng mga buto ng tao Miyerkules ng tanghali.

May lalim na isang metro pa lamang ang hinuhukay na pundasyon ng gusali nang madiskubre ang kalansay.

Pinaniniwalaang sa babae ito dahil sa nakitang underwear.

Ayon sa mga trabahador, nakasilid sa sako ang mga buto nang kanilang mahukay.

Suspetsa ng mga otoridad, posibleng pinatay ang may-ari ng kalansay at patagong inilibing sa naturang lugar.

Ayon sa imbestigasyon, pag-aari ng pamilya Javellosa ang compound kung saan may nakatyong apartment dati bago ito nabili ng fast food company.

Inaalam pa ng pulisya kung may naitalang krimen o insidente sa lugar ilang taon na ang nakakalipas.