5 cobra natagpuan sa loob ng bote sa poultry section ng New Arranque Market sa Maynila. 📷Manila PIO pic.twitter.com/84K6vdXhO3

— Jekki Pascual (@jekkipascual) July 8, 2020

MAYNILA - Limang cobra ang natagpuan at nakumpiska ng market administration office sa New Arranque Market sa Maynila nitong Martes.

Ayon kay MAO Director Zenaida Mapoy, nakatanggap sila ng impormasyon na iligal na nagbebenta ng ahas sa loob ng palengke.

Agad silang nagsagawa ng inspeksiyon nitong Martes. Habang nag-iikot sa palengke nakarinig ang inspektor ng tila tunog ng cobra.

Nakatago sa isang bakanteng stall sa poultry section ang limang malaking bote ng mineral water na may lamang cobra.

Delikado aniya ang cobra sa palengke na maraming mga vendor at mamimili. May ilan naman nagsabi na baka pag simulan din ito ng sakit. Wala naman naaresto sa insidente habang patuloy pa itong iniimbestigahan.

Ibinigay na sa pangangalaga ng Parks Recreation Bureau sa Maynila ang nakumpiskang mga ahas.