MAYNILA - Mahigit 20 pamilya ang nawalan ng tirahan nang tupukin ng apoy ang ilang bahay sa Barangay Batasan Hills sa Quezon City Miyerkoles ng madaling araw.

Pasado hatinggabi nang magsimula ang sunog na kumalat sa magkakadikit na bahay sa Talanay Street kaya agad iniakyat sa ikatlong alarma.

TINGNAN: 12 bahay, natupok sa sunog na sumiklab sa Brgy Batasan Hills, Quezon City @ABSCBNNews pic.twitter.com/qBA7JaZcAL

— Bianca Dava (@biancadava) July 4, 2017

Sa inisyal na imbestigasyon ng Bureau of Fire Protection, nagsimula ang apoy sa ikalawang palapag ng bahay ng isang Carol Monsalod, isang mananahi.

TINGNAN: Umabot sa ikatlong alarma ang sunog na sumiklab sa Brgy Batasan Hills, QC pasado hatinggabi kanina. @ABSCBNNews pic.twitter.com/i8IprPLr7p

— Bianca Dava (@biancadava) July 4, 2017

Sa kabuuan, humigit kumulang P200,000 pisong halaga ng ari-arian ang natupok. Sa covered court ng barangay na muna nagpalipas ng magdamag ang mga pamilyang nasunugan.