AWOL na pulis, 2 iba pa patay sa engkuwentro sa Quezon

Fred Cipres, ABS-CBN News

Posted at Jun 25 2020 12:03 PM

Watch more in iWantTFC

Patay ang tatlong lalaki, kabilang ang isang dating pulis, sa isinagawang operasyon ng pulisya sa Tiaong, Quezon.

Ayon kay Lt. Col. Rannie Lumactod ng Tiaong Municipal Police Station, naghain ng search warrant para sa paglabag ng Comprehensive Firearms Law at ng illegal drugs ang mga tauhan ng PNP Anti-Kidnapping Group, PNP Rapid Deployment Batallion laban sa dating pulis na si Patrolman Rico Muog Gutierrez.

Pero nagpaputok agad ang mga suspek dahilan para gumanti ang mga pulis.

Namatay si Gutierres, isang alyas Alcaria, at isang hindi pa nakikilalang suspek.

Dating intel operative ng Quezon City Police District si Gutierrez pero nag-AWOL ito simula nang ilipat sa Bangsamoro Autonomous Region.

Base sa imbestigasyon, kinakanlong ni Gutierrez ang kaniyang tyuhin na si Jaime Muog na kabilang sa most wanted at may patong sa ulo na P500,000