Nagsama-sama naman ang AFP at ang iba’t ibang organisasyon para magtanim ng Bandila ng Pilipinas sa Philippine Rise, na dating tinatawag na Benham Rise.

Sinisid ng mga batikang technical divers ng Philippine Navy, Coast Guard at iba pang grupo ang Philippine Rise. Maingat nilang ibinaba ang watawat na gawa sa fiber glass, at target ikabit ito sa flagpole na nasa mahigit 60 metro sa ilalim ng dagat. Pero dahil sa napakalakas na agos, ikinabit na lang ito sa paanan ng flagpole.

Kasama rin sa pagsisid ang civilian diving instructor na si Gordon Cancio. Naglatag siya ng tarpaulin para bigyang parangal ang mga estudyante niyang sundalong nasawi sa bakbakan sa Marawi.