PatrolPH

Estudyante inaresto dahil sa peke umanong travel pass

ABS-CBN News

Posted at Jun 09 2020 01:16 PM

MANILA — Inaresto ang isang 22-anyos na babaeng estudyante dahil sa paggamit ng peke umanong travel pass sa pantalan ng Batangas City nitong Linggo. 

Galing sa Laguna ang suspek at pauwi sana sa Soccoro, Oriental Mindoro, ayon sa pulisya. 

Naghinala anila ang mga awtoridad na peke ang pass ng babae dahil nasa cellphone lang ang kopya nito at hindi nakapirma rito si Calabarzon police chief Brig. Gen. Vicente Danao Jr. 

Napag-alam nila kalaunan na pending pa ang request ng estudyante na magkaroon ng travel pass. Nagmamadali umano siya kaya gumamit ng pekeng dokumento. 

Nakapagpiyansa na siya sa kasong paglabag sa Mandatory Reporting of Notifiable Diseases, na sakop ang mga paglabag sa lockdown na layong pigilin ang pagkalat ng new coronavirus. 

Ulat ni April Rose Magpantay, ABS-CBN News 

Bisitahin ang Patrol.PH para sa iba pang mga balita.