CAGAYAN DE ORO - Ulan at baha ang sumalubong sa mga estudyanteng balik-eskuwelahan ngayong Martes sa siyudad na ito.

Alas-5:00 pa lang ng madaling araw, nagsimula nang bumuhos ang malakas na ulan kaya naman bumaha agad sa ilang lugar.

Kabilang sa mga hindi madaanan ng sasakyan dahil sa baha ang Kauswagan-Bulua Junction.

Hindi naman nagdeklara ng suspensiyon ng klase ang lokal na pamahalaan at ipinaubaya na ito sa mga paaralan.

Sa ngayon, ang Bulua Elementary School pa lamang ang nagsuspinde ng klase.

Isang low pressure area na umaaligid sa Philippine Area of Responsibility ang minomonitor ngayon ng PAGASA.

Ayon sa ulat panahon, pinalalakas ng low pressure area ang hanging habagat na nagdudulot ng madalas na mga pag-ulan.

Magdudulot ito ng minsanang pag-ulan sa Eastern at Central Visayas, Northern Mindanao, at sa Caraga at Davao regions, ayon sa PAGASA.

Huling namataan ang LPA sa layong 795 kilometero silangan ng Surigao City east of Surigao City.

Tatawagin itong "Domeng" pagpasok sa Philippine Area of Responsibility.

• Brewing storm may trigger floods, landslides: PAGASA