ILOCOS NORTE - Arestado ang isang retiradong sundalo matapos makuhanan ng mga baril, bala at iba pang explosibo sa loob ng kanyang bahay noong Biyernes sa bayan ng Pasuquin.

Kinilala ang suspek na si Jorge "Rambo" Bulosan. Nakuha mula sa kanya ang dalawang kalibre .38 na baril, daan daang bala at isang rifle grenade na ginagamit umano niyang panakot tuwing nakakainom ito ng alak.

"Lagi siya naire-repot na nagpapaputok ng baril sa lugar niya kaya nagkasa tayo ng operasyon at nagpositibo naman," ani Senior Insp. Grandeum Tangonan, hepe ng pulisya ng Pasuquin, Ilocos Norte

Walang naipakitang dokumento para sa kanyang mga baril si Bulosan. Sasampahan ito ng kasong paglabag sa Republic Act 10591 o Comprehensive Law on Firearms and Ammunition.