Maaari nang manghiram ang mga katutubo ng perang pangkabuhayan mula sa Department of Agriculture (DA).

Sa ilalim ng programang Kabuhayan At Kaunlaran ng Kababayang Katutubo o 4K, na inilunsad ng kagawaran nitong Linggo, maaaring pagkalooban ang mga benepisyaryong katutubo ng hanggang P300,000 sa kada limang ektaryang lupain na ancestral domain.

4-K program o "Kabuhayan at Kaunlaran ng Kababayang Katutubo" inilunsad ng Department of Agriculture; mga katutubo, maaaring mag-loan ng hanggang 300 libong piso para sa limang hektaryang lupain. pic.twitter.com/TIOuPjIqgD

— jeff hernaez (@jeffreyhernaez) June 3, 2018

Hahatiin ang loan sa P5,000 kada buwan at hindi papatawan ng interes.

Sasanayin din ang mga katutubo na magtanim ng iba't ibang mapagkakakitaang puno at mag-alaga ng mga hayop gaya ng baboy, kambing at manok.

Tinatayang nasa P1 milyon kada ektarya ang inaasahang kikitain ng mga benepisyaryo ng programa.

Nasa 20,000 pamilya ang makikinabang sa programa, ayon sa DA.

-- Ulat ni Jeffrey Hernaez, ABS-CBN News